Hekanhi Shava,
Mushukuro weGona,
Chiputsamakuru,
Ganyamatope,
Vatambi voMuganyiro,
Chifuramakuru,
Matsikapasi kuzorora huvata,
Matangakunwa muviri unenyota,
Teveratsimba mutsvairo wezhira,
Hekanhi Murendo,
Mushayachirashwa,
Chitivamasvisva,
Chirambamuriwo,
Mukuvapasi,
Maita vari Maturi,
Godzamuto,
Chiputsamakuru,
Maita Mangaingai,
Shanga iri muuchi,
Godzavakadzi varume vachifa nechinya,
Hekanhi Madyirapazhe,
Mushukuro weGonan’ombe,
Chidonha mukaka changu chichi,
Chipazha-mwongo,
Maita baba,
Vari muHarihuru,
Chikanyamatope,
Baba wangu muriritiri,
Vari Chikwidzire chamabwe machena,
Chitanga,
Maita Chitova,
Shava huru yakapamba Gona,
Mutakuri weMutovapasi,
Hekanhi Dziko-o,
Ndobata papiko?
A!
Zvaitwa baba,
Maita Sambiri,
Maita Gumbo,
Maita Madyirapazhe.