Hekanhi Shumba,
Mhazi,
Maita Mhukahuru,
Makashareni shanga mumakoto,
Ngekurumwe mudurunhuru,
Zvamunoti mondigwangura,
Mosvosva nomongo,
Muchindimatisa senzomba,
Munoti ndivuchire sei she wangu?
Munondirezva sorusvava,
Nezvanza zvine nhetemwa dzegwiti,
Munoti mandikoda pane shungu dzangu,
Menge mandikanda mudhidho rouchi,
Hi—i!
Hekanhi Shumba,
Ndorobwa nebuka rinoomesa mitezo yangu soruware,
Radzirai Shumba,
Musanyenya muchiurura napamusoro,
Dzisai murove bwendedzo,
Ee! Shumba
Mazobaya nbariro dzechityu,
Ndokuiritai zvipi,
Zvingafurutsa mate enyu machena anobva mugona?
E!
Ririri rovunga bwusina chirashwa,
Maita Tembo,
Maita Shumba,
Maita Chibwa.