Maiwe-e!
Ndatenda zvangu ini,
Hekani Shava,
Maita Museyamwa,
Vasakamonera vakadzi dzenhema,
Vanomonera vakadzi dzamangondi,
Maita Gurudza,
Chidyapfuta,
Gara ramasango,
Jichira,
VokwaNyakufa,
Vochitema,
Mhofu yomukono,
Matukamakuru,
Chidavakadzi,
Wakatuka mhofu ndiani?
Wakatuka chinozvichema?
Maita Shava,
Mazivita Mhukahuru,
VokwaSadzadete,
Remhunga rinodzipa vana,
Yowe zvangu!
Maita Shava yangu yiyi,
Mukonde wangu yuyu,
Hekani muHera wangu yuyu,
Zvaitwa baba,
Zvaitwa Gurudza,
Tatenda VaShava.