Hekani Mwendamberi,\
Nondo yangu yiyi,\
Yakaramba kusiya mwana shure,\
Mvura yadzongwa,\
Matangakunwa,\ Vanonwa yeshure vanonwa mabvondwe,\
Maita VaRota,\
Mwana waChirau,\
VaChuru,\
Makorekore,\
Vomashiripiti,\
Vaikwira mundega nedandaude,\
Champara changu chichi,\
Chiminyamiseve,\
Vana vaMbabvu,\
Chirwiranyimo,\
VokwaKatonje,\
Vana vaRinemasaru,\
Nondo yangu yiyi,\
Dzimbahwe,\
Hirwazvuru,\
Tinotenda vari Magonde,\
Vembwa chena,\
Mucheka wakasunge Beta,\
Mwendamberi,\
Vari Chinhoi chisingajairike,\
Aiwa zvaitwa Nondo,\
Zvaonekwa Mwendamberi,\
Mwana waChirau.