Ewo Nzou,\
Maita Nzou,\
Mhuka huru,\
Murumanhanga,\
Maita Chirandu,\
Vomutumbi mukuru,\
Maita Chirandu,\
Tatenda Nyamatsimba,\
Maita Samanyanga,\ Maita Bonderouswa,\ Maita vari Mapanda,\
Zvawonekwa varidzi vamasango,\
Tatenda Nzou, Marigazvuru,\
Hekani Matyoramiti,\ Ewe Ganda, ewo Muvi,\ Maita Murarandimirire,\
Murewo wakapaikwa pamhangwa yomuti,\
Zvaitwa Chirandu,\ Vane nzeve dzinenge mahapa,\
Mukati tsimba rinenge chisero,\
Maita Jeranyama, Mutsikapanembiri,\
Tatenda Chirandu chimatondo,\
Maita vari Chibara chaManyika,\ Mune tsoka dzinotyakaira pakufamba,\
Vatariri vamasango,\
Munofamba muchiyeva matunhu,\
Aiwa, zvaitwa Nzou, Samanyanga,\
Zvaitwa Nyamatsimba,\
Mhukahuru.