Maita Shava yangu yiyi,
Zvaitwa Mwendamberi,
Maita vokwaGwenzi rakaviga mambo,
VeChitemberere,
Maita Mvurayadzongwa,
Matangakunwa,
Vari shure vanonwa mabvongwe,
Vari mberi vachinwe tsvene,
Nyahunzi Shava yangu yiyi,
Zvaitwa vari Tsonzo,
Vana vaChikonochengwe,
Maita vokwaChinenhunguru,
VokwaZongororo kunava,
Ariona ati rakafa,
Maita Shava yangu yiyi,
Zvaitwa veChitemberere,
Vaera mhofu,
VokwaMazurukuwanda,
Mazhinji ndoazere tsine,
Tatenda vokwaKarimugukwa,
Maita vokwaKarimugwenzi,
Maita VaKarimudunhu uchizvinzwira,
Zvaitwa VaShava,
Vana vaChivero,
Aiwa zvaoneka Mwendamberi.