Maita Nyati,\
Maita Zvigarambabvu,\
Hekani Nyati yangu yiyi,\
Zvaitwa Shonga,\
Mwana waMuswere,\
Tatenda vari Museso navari Minanga,\
Maita vagari veMhinha,\
Shonga yangu yiyi,\
Vanoramba kudya nyama yomusana,\
Muchida yechityu,\
Maita Nyati,\ Maita Shonga,
Hekani Makoni wangu mazamu enyati,\
Vanotukwa nedengu romupunga,\
Rorukweza riri munyasi,\
Kuziva zvenyu Nyati yangu yiyi,\
Vachibayamombe,\
Kubaya mbudzi urombo,\
Zwaitwa vari Masendeke,\
Vasingaiswi vhu munezwe,\ VokwaChireranherera,\
Vari muHomwe,\
MuUngwe waDerere asingadyi derere,\
Kuteketera kuteketerwa nedengu romupunga,\
Rorukweza ngeremhamba,\
Vanhu vasingaiti mhezi,\
Maita varere Mhinha nevari Masendeke,\
Zwaitwa muUngwe.