Maita Soko,
WaChirongo,
Maita Dewaneruwere,
Mwana waMutundu,
Mukoranezvekuba,
Mwana waMvukura,
Murambatsvina,
Mwana webveni,
Muparazvakasara,
Ukorovakorova mumakura,
Mambo wesango negomo,
Maita Soko yangu iyi,
Makatambarara sorunyemba,
Maita wari Marowe,
Mufanetwake,
Makaramba kusiya mwana akafa,
Maita Chomazumba Chinofema,
Maita Gudo,
Rakaramba kumenyera rimwe,
Tinotenda wari Dakanyi,
Kuziva zvenyu wari Maovha,
MuMandindindi mumvura chena,
Mudzvoveramakomo,
Maita zvenyu makaramba kuisa musoro pasi,
Mukarama mugere,
Zvaitwa Soko Nyadawa,
Mutyahondo yemusha,
Kunyangara zvaro haridye usiku,
Asi wakarima tinodya nawo,
Mutundu Chirongo nuUzumba,
Aiwa maita Nyadawa,
Zvaitwa Soko,
Zvaonekwa WaChirongo.